សម្រកក្បាលពោះ តើត្រូវធ្វើយ៉ាងណា?
ការសម្រកជាតិខ្លាញ់ នៅត្រង់ក្បាលពោះ ក៏ដូចជាកន្លែងផ្សេងទៀតនៃរាងកាយ មានគោលការណ៍ជាមូលដ្ឋានដូចគ្នា។ នោះគឺបន្ថយកាឡូរី ពោលគឺតមអាហារ និងបង្កើនការហាត់ប្រាណ។
-បន្ថយកាឡូរី៖
សូមជំនួសអាហារធម្មតា ដែលជាអាហារផ្តល់នូវសុខភាព ហើយមានកាឡូរីតិច ពោលគឺកុំទទួលទានសាច់ច្រើនពេក។ នៅឯភោជនីយដ្ឋាន សូមចែករំលែកទៅនឹងមិត្តរបស់អ្នក ឬញុំតែពាក់កណ្តាលនៃសាច់ និងយកវាមកផ្ទះខ្លះ សម្រាប់អ្នកផ្ទះ។
-បង្កើននូវលំហាត់ប្រាណ៖
ចំពោះមនុស្សពេញវ័យ ដែលមានសុខភាពល្អភាគច្រើន ត្រូវធ្វើការលំហាត់ប្រាណយ៉ាងតិចណាស់១៥០ នាទី ក្នុងមួយសប្តាហ៍ ឬ ៧៥ នាទី បន្ថែមដោយការហ្វឹកហាត់ខ្លាំង។ នៅពេលហាត់ប្រាណទៀតសោត ក៏ត្រូវកាច់ក្បាលពោះ តាមដែលអ្នកអាចធ្វើបាន។
ក្រៅពីនោះទៀត អ្នកដុះក្បាលពោះ ត្រូវធ្វើលំហាត់ប្រាណ ដោយការងើបចុះងើបឡើង។ លំហាត់ប្រាណបែបបនេះ ដែលអាចធ្វើអោយសាច់ដុំពោះរបស់អ្នករឹង និងស្រកជាតិខ្លាញ់។
ក្រៅពីនោះ មធ្យោបាយ ដែលនាំអោយទំហំចង្កេះរបស់អ្នករួមតូច គឺបន្ថយនូវខ្លាញ់ក្នុងខ្លួន ដោយអ្នកត្រូវញ៉ាំអាហារ ដែលផ្តល់សុខភាព កុំញ៉ាំអាហារច្រើនពេក និងកុំញ៉ាំសាច់ច្រើន ព្រមទាំងធ្វើលំហាត់ប្រាណជាទៀងទាត់។
សូមចាំថា អ្នកអាចអស់ការដុះក្បាលពោះ ឬក៏មិនក្លាយជាមនុស្ស ដែលដុះក្បាលពោះ ទាល់តែត្រូវការភាពអត់ធ្មត់ ការធ្វើការខ្លាំង និងហាត់ប្រាណ ជាប្រចាំ។
ប្រសិនបើអ្នកមិនអាចរៀបចំម៉ោងហាត់ប្រាណ អោយស្របនឹងម៉ោងធ្វើការទេនោះ សូមព្យាយាមធ្វើការបន្តិចបន្តួច ក្នុងមួយថ្ងៃ ហើយចាប់ផ្តើមដើរ បន្ទាប់ពីញ៉ាំអាហារពេលល្ងាចរួច ជាដើម។
បន្ទាប់ពីអ្នកបញ្ចុះនូវទម្ងន់ ពិសេសក្បាលពោះបានហើយ សូមរក្សាទម្ងន់នោះ អោយបានថេរជាមួយ នឹងការញ៉ាំអាហារ ដែលផ្តល់នូវសុខភាព និងលំហាត់ប្រាណជាទៀងទាត់។
ហេតុអ្វី បានជាអ្នកដុះក្បាលពោះ ត្រូវសម្រកទម្ងន់ និងសម្រកក្បាលពោះ?
ការដុះក្បាលពោះ គឺមិនមែនជារឿងអ្វីត្រូវសើចទេ។ សូមស្វែងរកនូវមូលហេតុអ្វី ដែលនាំអោយមានការដុះក្បាលពោះ ហើយមានហានិភ័យដល់សុខភាពអ្វីខ្លះ?
អ្នកដែលឡើងខ្លាញ់ត្រង់ក្បាលពោះ ដែលគេហៅថា ដុះក្បាលពោះ គឺមានហានិភ័យខ្ពស់នៃការកើតជំងឺផ្សេងៗ ហើយអាចរហូតដល់ស្លាប់ថែមទៀត។
វេជ្ជបណ្ឌិត បានលើកឡើងថា ការដុះក្បាលពោះខ្លាំងពេក បង្កើននូវហានិភ័យនៃជំងឺមួយចំនួន ដូចជា ជំងឺបេះដូង ជំងឺលើសឈាម ជំងឺដាច់សរសៃឈាមខួរក្បាល ជំងឺមហារីកមួយចំនួន ជំងឺទឹកនោមផ្អែមប្រភេទ២ ស៊ាំនឹងអាំងស៊ុយលីន មានជាតិខ្លាញ់(triglycerides)ខ្ពស់ មានកូលេស្តេរ៉លល្អ(HDL)ទាប បណ្តុំរោគសញ្ញាមេតាបូលីក និងគេងអត់ដកដង្ហើម ជាដើម។
ការផឹកស្រាច្រើនពេក ក៏អាចបណ្តាលអោយអ្នកកើននូវជាតិខ្លាញ់ត្រង់ក្បាលពោះ (ដុះក្បាលពោះ) ដែលគេហៅថា beer belly។ ការទទួលស្រាបៀរប្រភេទណាក៏ដោយច្រើនពេក អាចបង្កើននូវជាតិខ្លាញ់ត្រង់ក្បាលពោះ។ ដូច្នេះប្រសិនបើអ្នកផឹកស្រា សូមផឹកវាក្នុងកំរិតមួយទាប។ អ្នកផឹកតិចប៉ុណ្ណា កាឡូរី ដែលអ្នកបានពីការផឹក និងធ្វើអោយការឡើងជាតិខ្លាញ់ត្រង់ក្បាលពោះនោះទាបប៉ុណ្ណឹងដែរ៕
Comments
Post a Comment